Tanging Yaman

Tanging Yaman

ni Jonathan Dayrit

May hihigit pa ba sa inyong dalawa

Aking mahal na ama at ina

Lahat nang buti ay naroon sa puso

Buhay man ay handang ialay nyo

Ang tula na ito ay alay ko sa inyo

Ito'y galing sa puso at isipan ko

Kayo'y naiiba dito sa mundo

Ang may pusong wagas ganyan ang tulad nyo

Mahal kong ama at ina

Kung kayo ay tumanda na

Iintindihin ko kayo hanggang sa aking huling hininga

Gaya ng pag-intindi nyo noong ako'y bata pa

Pangarap ko humaba pa ang buhay nyo

Upang masuklian ang inyong sinakripisyo

At maibigay lahat ng gusto nyo

Dahil gusto ko na mapaligaya kayo

Sa hirap ng ating buhay

Edukasyon inyong ipinamalas

Upang makaalpas

Sa hirap na ating dinaranas

Mahal ko kayo yan ang nasa puso ko

Kahit minsan nasusuway ko kayo

Pero ito ang tandaan nyo

Pagmamahal ko ay hindi magbabago

Aking mga mahal na magulang

Nararapat kayo'y gantimpalaan

Sa mga gintong aral ninyong ibinigay

Na nagpabago ng aming buhay

Lahat ibibigay lahat gagawin nyo

Ganyan lagi kayo sa anak nyo

Walang ama at inang matitiis ang isang anak

Kayo'y dakila at higit kayo sa lahat

Ang iyong anak

Ay nagagalak

Dahil sa puso ninyong busilak

Tulad ng bulaklak na mahalimuyak

Dumating man ang araw ng inyong paglisan

Hindi ko kayo kakalimutan

Sapagkat kayo'y nasa aking puso't isipan

Ngayon , bukas at magpakailanman.